विद्यार्थीले हप्तामा १५ घण्टा मात्र काम गर्न पाउने
स्वीडफिका डेस्क · ११ जुन २०२६
११ जुनदेखि नयाँ अनुमति पाउने विद्यार्थीको काम गर्ने समय सीमित, पढाइको प्रगतिमा कडाइ र ठेगाना जानकारी अनिवार्य ।
मुख्य कुराहरू
- सेमेस्टरमा हप्तामा बढीमा १५ घण्टा काम
- पहिलो वर्ष ३७.५, त्यसपछि वार्षिक ४५ क्रेडिट
- मासिक १०,६५६ क्रोनर देखाउनुपर्ने (२०२६)
१. काम गर्ने समय सीमित
उच्च शिक्षाका लागि स्वीडेन आउने विद्यार्थीले अब सेमेस्टरको बेला हप्तामा बढीमा १५ घण्टा मात्र काम गर्न पाउँछन् । जुन, जुलाई र अगस्टमा भने समयसीमा छैन ।
२. पढाइमा कडाइ
पढाइको प्रगतिमा पनि कडाइ गरिएको छ । पहिलो वर्ष कम्तीमा ३७.५ क्रेडिट र दोस्रो वर्षदेखि वार्षिक ४५ क्रेडिट पूरा नगरे अनुमति नवीकरण नहुन वा खारेज हुनसक्छ ।
३. ठेगाना र अनुमति परिवर्तन
स्वीडेन आइपुगेको ३० दिनभित्र आफ्नो ठेगाना माइग्रेसन्सभेर्केतलाई जानकारी दिनुपर्छ । विद्यार्थी अनुमतिबाट स्वीडेनभित्रै कार्य अनुमतिमा जान सामान्यतया कम्तीमा दुई सेमेस्टरको पढाइ पूरा गरेको हुनुपर्छ ।
४. आर्थिक सर्त
आर्थिक सर्त: २०२६ मा आवेदन दिनेले मासिक १० हजार ६५६ क्रोनर बराबरको रकम देखाउनुपर्छ । ११ जुनअघि अनुमति पाएकालाई नवीकरण नगरेसम्म पुरानै नियम लाग्छ ।
